تلبیہ اورلبیک  کہنے والوں کے درجات

جس طرح مومنین  ایمان کے مختلف  مراتب کی وجہ سے  مختلف  درجات رکھتے ہیں  ،لبیک کہنے والے بھی تلبیہ کے مختلف مراتب کی وجہ سے  متفاوت درجات رکھتے ہیں ۔ کیونکہ بعض لوگ  دعوت انبیا ٔ کو لبیک کہتے ہیں اور بععض لوگ خدا کی دعوت کو لبیک کہتے ہیں یعنی یہ کہتے ہیں : اے وہ شخص جس نے ہمیں اللہ کی طرف دعوت کیا ہے  ہم نے دعوت کو قبول کیا اور یہاں آئے ہیں :لبیک داعی  اللہ ،لبیک داعی اللہ ۔ یہ گروہ خانہ کعبہ کے زائر ہیں جنھوں نے حضرت ابراہیم ؑ کی دعوت کو قبول کیا ہے .وَأَذِّنْ فِي النّاسِ بِالْحَجِّ يَأْتُوکَ رِجالاً وَعَلى كُلِّ ضامِرٍ يَأْتينَ مِنْ كُلِّ فَجٍّ عَميقٍ)[1] .

اس کے علاوہ ایک اور گروہ ہے جو  اللہ کی دعوت کو سنتے ہیں اور اس کا جواب بھی دیتے ہیں  اور کہتے ہیں (وَللهِِ عَلَى النّاسِ حِجُّ الْبَيْتِ مَنِ اسْتَطاعَ إِلَيْهِ سَبيلاً)[2] ترجمہ:( اور اللہ کے لئے لوگوں پر اس گھر کا حج کرنا واجب ہے اگر اس راہ کی استطاعت رکھتے ہوں )

جو شخص سفر حج کی استطاعت رکھتا ہو ،س کو چاہیے کہ وہ   اللہ کی دعوت کو قبول کریں ۔ایسا شخص ان  ایماندار افراد میں سے ہے جو خدا کی دعوت کا مثبت جواب دیتے ہیں اور  وہ کہتے ہیں : «لبّيک اللّهمّ لبّيک ، لبّيک ذالمعارج لبّيک ، لبّيک داعياً إلى دار السّلام لبّيک ، لبّيک مرهوباً مرغوباً إليک لبّيک »[3] .

اس لبیک کے زریعے زائر خانہ خدا  دعوت الہی کو قبول کرتا ہے اور خدا کا جوا ب وہی اس کے خلیل کا جواب ہے  لیکن  فرق زائر کی فکر ونظر اور عارف  بیت اللہ  کی معرفت میں ہے  ۔ لہذا تلبیہات ایک جیسے نہیں ہیں !  یعنی  ممکن ہےکوئی کہے : لبیک ذالمعارج ،لیکن حقیقت میں  (وَأَذِّنْ فِي النّاسِ بِالْحَجِّ) کے جواب میں لبیک کہتا ہے  اور خلیل کی دعوت کو قبول کرتا ہے ۔ کیونکہ علم میثاق میں جس طرح  ندائی الہی کا جواب دیا ہے   مقام  ظاہر میں بھی  لبیک  کہتا ہے ۔